Viðskiptaritstjórarnir Hörður Ægisson af Markaði Fréttablaðsins og Stefán Einar Stefánsson á ViðskiptaMogganum eru mættir í sérstakan aukaþátt af Hlaðvarpi Viljans, þar sem þeir spá í spilin með Birni Inga Hrafnssyni um framtíð Icelandair, sem hangir á bláþræði.
Meðal þess sem kemur fram í spjalli þremenninganna er:
- Helmingslíkur eða jafnvel minna en það á að takist að bjarga Icelandair frá gjaldþroti, enda eru sjóðir félagsins að tæmast.
- Áhugi kínverskra stjórnvalda, sem nýlega fjárfestu í norska lággjaldafélaginu Norwegian, gæti orðið til þess að hefðbundnari samstarfsaðilar Íslands beggja vegna Atlantsála gætu talið pólitískt mikilvægt að koma að borðinu.
- Forsíðufréttir Morgunblaðsins og Fréttablaðsins um mögulegar viðræður Icelandair við önnur félög flugþjóna voru réttar en ekki rangar, eins og haldið hefur verið fram.
- Það þarf allt að ganga upp hjá stjórnendum Icelandair til að það takist að forða gjaldþroti. Ekki bara kjarsamningar við starfsfólk, heldur samkomulag við fjölmarga aðra aðila.
- Algjör skortur á veruleikatengingu í kjaraviðræðum miðað við aðstæður.
- Stjórnendum Icelandair er vorkunn, því þeir hafa engan stuðning í björgunaraðgerðum sínum.
- Fjármálaeftirlitið hlýtur nú þegar að tilkynna um opinbera rannsókn verkalýðsforystunnar á skuggastjórnun á tilteknum lífeyrissjóðum.
