Þátturinn Hrafnaþing, í umsjón Ingva Hrafns Jónssonar, snýr aftur annað kvöld eftir nokkuð hlé. Verður þátturinn framvegis sýndur í sjónvarpi Fréttavefjar Morgunblaðsins á föstudagskvöldum kl. 20.
„Þetta verður vont ár, vinstri menn,“ segir Jón Kristinn Snæhólm, hið ómissandi hliðartungl umsjónarmannsins. Gera má ráð fyrir að önnur tungl verði ekki langt undan, til að mynda Hallur Hallsson og Júlíus Hafstein, fastagestir í hinni alræmdu Heimastjórn.
