Guðný Helga Herbertsdóttir fv. fréttamaður og núverandi markaðsstjóri VÍS fagnar fertugsafmæli sínu í dag. Hún sló fyrst í gegn sem viðskiptafréttamaður á Markaðnum á Fréttablaðinu og Stöð 2 og hefur komið víða við í atvinnulífinu.
Guðný Helga er með BSc gráðu í viðskiptafræði frá Háskóla Íslands með áherslu á stjórnun og markaðsfræði og meistaragráðu í lögum og viðskiptum Evrópusambandsins frá Viðskiptaháskólanum í Árósum.
Að námi loknu var Guðný Helga ráðin til Markaðarins á Fréttablaðinu og Stöð 2. Hún færði sig svo yfir á Fréttastofu Stöðvar 2, en söðlaði svo um og réði sig sem upplýsingafulltrúa Íslandsbanka.
Hún var deildarstjóri samskiptadeildar Landspítala um þriggja ára skeið, en tók á dögunum við starfi markaðsstjóra Vátryggingafélags Íslands.
Guðný Helga er öflugur golfari og veiðikona, vinsæl og vinmörg.
