Niðurstaða er fengin í ráðgefandi oddvitakjöri Miðflokksfélagi Reykjavíkurkjördæmis suður sem stóð yfir í gær og dag. Fjóla Hrund Björnsdóttir, framkvæmdastjóri þingflokks Miðflokksins, og Þorsteinn Baldur Sæmundsson alþingismaður gáfu kost á sér sem oddvitar listans. Kosningu lauk klukkan 17 í dag laugardaginn 24. júlí 2021.
Þorsteinn var fyrir oddviti flokksins í kjördæminu, en komst ekki á lista uppstillinganefndar á dögunum eins og kunnugt er. Sá listi var hins vegar felldur á félagsfundi og til að leysa þá pattstöðu sem komin var upp, var ákveðið að efna til oddvitaprófkjörs. Kjörsókn var 90% í henni, samkvæmt upplýsingum flokksins, en heildarfjöldi atkvæða er þó ekki gefinn upp.
Fjóla Hrund Björnsdóttir hlaut: 58% atkvæða
Þorsteinn Baldur Sæmundsson hlaut 42% atkvæða
Auð og ógild atkvæði voru 0%
Fjóla Hrund er þar með sigurvegari þessara kosninga.
Niðurstöðurnar hafa verið sendar til uppstillingarnefndar kjördæmisins sem mun leggja fram framboðslista til samþykktar á félagsfundi Miðflokksfélags Reykjavíkurkjördæmis suður n.k. mánudag, bæði á Zoom og á skrifstofu flokksins.
Kosið verður um listann bæði rafrænt og á fundinum sjálfum.
