Hage Geingob, forseti Namibíu, vék ráðherrunum tveim sem tengjast málefnum Samherja burt úr ríkisstjórn landsins. Frá þessu er greint í dagblaðinu Namibian Sun í dag og er haft eftir ónafngreindum heimildamönnum.
Um er að ræða dómsmálaráðherrann og sjávarútvegsráðherrann, en fjallað var um Samherjaskjölin í Kveik í gær.
Þar hélt fyrrverandi framkvæmdastjóri dótturfélags Samherja því fram, að fyrirtækið hefði um árabil greitt háttsettum stjórnmála- og embættismönnum í Namibíu hundruð milljóna í þeim tilgangi að komast yfir eftirsóttan kvóta.
Ráðherrarnir tveir fengu við þriðja mann umræddar greiðslur og gekk þríeykið undir nafninu Hákarlarnir í þarlendu stjórnkerfi, þar sem þeir ættu greiðan aðgang að stjórnkerfinu.
Uppfærð frétt: Fyrirsögn fréttarinnar var breytt eftir að afsögn ráðherrann beggja lá fyrir.
