Stjórnir kjördæmafélaga Miðflokksins hafa ákveðið aðferð við val á lista fyrir alþingiskosningarnar sem fram fara 25. september næstkomandi.
Í tilkynningu frá flokknum segir að uppstilling verði viðhöfð í öllum kjördæmum og munu uppstillingarnefndir taka til starfa á næstu dögum. Það er sama aðferð og Viðreisn hefur valið í aðdraganda sinnar kosningabaráttu, en aðrir flokkar hafa ýmist notað forvöl, prófkjör eða blöndu af uppstillingu og kosningum milli frambjóðenda.
Samhliða því verður auglýst eftir framboðum á heimasíðu flokksins www.midflokkurinn.is.
