Sjö umsóknir bárust um embætti ríkislögreglustjóra sem auglýst var laus til umsóknar.
Þetta kemur fram á vef dómsmálaráðuneytisins. Meðal umsækjenda eru tveir lögreglustjórar, fangelsismálastjóri og Grímur Grímsson, sem var valinn maður ársins árið 2017 er hann var yfirlögregluþjónn í rannsókninni á hvarfi Birnu Brjánsdóttur.
Kristín Jóhannesdóttir lögmaður, fv. forstjóri Gaums og systir Jóns Ásgeirs athafnamanns, er einnig meðal umsækjenda.
Umsóknarfrestur rann út 10. janúar og sóttu eftirtaldir um embættið:
- Arnar Ágústsson öryggisvörður
- Grímur Grímsson tengslafulltrúi Íslands hjá Europol
- Halla Bergþóra Björnsdóttir lögreglustjóri á Norðurlandi Eystra
- Kristín Jóhannesdóttir lögfræðingur
- Logi Kjartansson lögfræðingur
- Páll Winkel fangelsismálastjóri
- Sigríður Björk Guðjónsdóttir lögreglustjóri á Höfuðborgarsvæðinu
