Elín Gränz hefur verið ráðin mannauðsstjóri Hörpu.
Elín lauk grunnnámi í alþjóðamarkaðsfræði frá Háskólanum í Reykjavík árið 2001, MBA námi frá Viðskiptaháskólanum í Kaupmannahöfn 2006 og var í meistaranámi í mannauðsstjórnun í Háskóla Íslands 2009 – 2011.
Elín var valin úr stórum hópi umsækjenda, en hún útskrifaðist sem stjórnendamarkþjálfi frá Opna háskólanum og Coach University vorið 2018.
Undanfarin ár hefur hún starfað hjá Opnum kerfum.
Elín hefur jafnframt verið virk í félagsmálum og er meðal annars einn stofnenda Vertonet – hagsmunasamtaka kvenna í upplýsingatækni og verið í stjórn Mannauðs – félags mannauðsfólks á Íslandi, viðskiptanefnd FKA og Leiðtogaauði.
Elín tekur til starfa eftir áramót.
