Mér finnst ekkert gaman einum í vinnunni

Brynjar Níelsson alþingismaður.

„Vill einhver segja fjölmiðlamönnum og miklu fleirum að löggjafarsamkundan er ekki eins og hver annar vinnustaður þar sem forstjórinn ræður menn og rekur,“ segir Brynjar Níelsson, þingmaður Sjálfstæðisflokksins, í færslu á fésbókinni í morgun.

„Jafnframt að það sé ekki svo að einstaka þingmenn ákveði hvaða aðrir þingmenn starfi með þeim við löggjafarstörf. Og það eigi ekki að koma öðrum á óvart að kjörnir þingmenn mæti í þinghúsið til starfa án sérstakra tilkynninga fyrirfram, þótt þeir hafi verið einhvern tíma leiðinlegir og dónalegir,“ segir hann.

Og Brynjar bætir við:

„Þá væri talsverðar líkur á að þinghúsið væri meira og minna mannlaust. Mér finnst ekkert gaman einum í vinnunni.“