Dyggur lesandi Viljans, Guðjón Bragi Benediktsson, sendi okkur þetta áramótaljóð um Ríkisútvarpið og hið sígilda deiluefni um hlutverk þess í samfélaginu og áhrif á þjóðmálaumræðuna.
Innblásturinn er innræting RÚV á pólitískum rétttrúnaði um gróðurhúsaáhrif, nú hamfarahlýnun.
Gróðurhús á RÚV
Yfir Efsta leiti er sex
hundruð sextíu og sex milli-
bara slægð sem þokast
inn í landsmenn.
Við Austurvöll stendur yfir
miðstýring á krökkum og vindur
blæs af austri.
Ótti magnast upp með fjölmiðlum,
en sjálfstæð hugsun hverfur
Þegar líður að kosningum.
Vitsmunalíf við frostmark.
