Birgir ekki á leið úr Miðflokknum en gerir kröfu um ákveðna uppstokkun

Birgir Þórarinsson þingmaður Miðflokksins.

Birgir Þórarinsson, þingmaður Miðflokksins, segist ekki á leið úr Miðflokknum og þar af leiðandi sé hann ekki á leið yfir í Sjálfstæðisflokkinn. Hann gerir hins vegar kröfu um ákveðna uppstokkun innan flokksins og vill að boðað verði til flokksráðsfundar, þar sem hann telji ekki rétt að þeir þingmenn flokksins, sem stigu tímabundið til hliðar og hafa snúið aftur til starfa, gengi að óbreyttu fyrirkomulagi á trúnaðarstörfum sínum fyrir flokkinn vísu.

Birgir sendi Fréttablaðinu yfirlýsingu í dag þessa efnis og fer hún hér á eftir í heild sinni:

Þessa dagana velta ýmsir fjöl­miðlar því fyrir sér hvort ég hyggist segja mig úr lögum við þing­flokk Mið­flokksins og sé jafn­vel á leið yfir í Sjálf­stæðis­flokkinn. Af því til­efni vil ég koma eftir­greindu með skýrum hætti á fram­færi: 

Mér finnst ekki rétt að þeir fé­lagar mínir í þing­flokknum sem stigu tíma­bundið til hliðar og sneru síðan til þing­starfa sinna á nýjan leik gangi að ó­breyttu fyrir­komu­lagi á trúnaðar­störfum sínum fyrir flokkinn vísu. Ég hef komið þeirri skoðun minni á fram­færi við for­mann Mið­flokksins að ég telji rétt að boða til flokks­ráðs­fundar eins fljótt og auðið er til þess að fara yfir stöðuna og stokka m.a. upp spilin í verka­skiptingu þing­manna eftir því sem þurfa þykir. 

Ég er ekki á leiðinni úr þing­flokknum. Ég er þar af leiðandi heldur ekki á leið yfir í Sjálf­stæðis­flokkinn. Ég geri hins vegar kröfu um á­kveðna upp­stokkun og til þess hef ég breiðan stuðning í pólitísku bak­landi mínu og einnig hjá fé­lögum mínum í Mið­flokknum víðs­vegar um landið.