Árni Sigurjónsson, yfirlögfræðingur Marel, er nýr formaður Samtaka iðnaðarins. Úrslit í formannskjöri voru kunngjörð rétt í þessu.
Í framboði til formanns var auk Árna, Guðlaug Kristbjörg Kristinsdóttir, stjórnarformaður Límtré Vírnets og Securitas.
Á aðalfundi Samtaka iðnaðarins í morgun var tilkynnt um úrslit kosninga og var Árni Sigurjónsson kjörinn nýr formaður með 71,50% greiddra atkvæða. Árni verður formaður Samtaka iðnaðarins fram til Iðnþings 2022.
Alls gáfu sjö kost á sér til almennrar stjórnarsetur og var kosið um fimm sæti. Þeir sem setjast í stjórn Samtaka iðnaðarins til næstu tveggja ára:
Arna Arnardóttir, gullsmiður
Egill Jónsson, Össur
Margrét Ormslev Ásgeirsdóttir, CRI
Valgerður Hrund Skúladóttir, Sensa
Vignir Steinþór Halldórsson, MótX
Fyrir í stjórn Samtaka iðnaðarins eru:
Ágúst Þór Pétursson, húsasmíðameistari
Guðrún Halla Finnsdóttir, Norðurál
Magnús Hilmar Helgason, Launafl
Sigurður R. Ragnarsson, ÍAV