„Jæja, þá er þetta að nálgast, endalok hinna margumtöluðu umbreytinga heimskerfa, 2008-2024, nokkuð sem ég hef fjallað um oft og víða, síðan 2008 þegar ferlið hófst,“ segir Gunnlaugur Guðmundsson stjörnspekingur.
Hann segir augljóst að „kerfin“ séu á þessum „lokaspretti“ eins og höfuðlaus her. Hver hönd upp á móti annarri.
„Gamlir, þreyttir og hugmyndasnauðir leiðtogar: Biden 80, Putin 71, Xi Jinping 70, Modi 73, Netanyahu 74, Ali Khamenei 84.
Bandaríkin, Rússland, Kína, Indland stærstu lönd heims.
Í Frakklandi, Bretlandi, Þýskalandi, veikir leiðtogar.
Heilbrigðiskerfi, menntakerfi, trúarbragðakerfi, fjármálakerfi, stjórnmálakerfi og svo framvegis … upplausn.“
Og stjörnuspekingurinn þekkti spyr eðlilega, hvað sé framundan?
Í færslu sinni á fésbókinni kemur hann ekki með beint svar, en að hætti alvöru spámanna segist hann munu skrifa meira um þetta á næstu dögum og vikum.
Við bíðum spennt og Viljinn mun fylgjast með…
