Hugleiðingu dagsins á Jón Magnússon, lögmaður og fv. alþingismaður, sem fylgist eins og aðrir með hörmungunum sem ganga á við botn Miðjarðarhafs og afleiðingar hinnar ömurlegu árásar Hamas-samtakanna á Ísrael.
„Vinstri elítan með Ögmund Jónasson í broddi fylkingar hlýtur að vera ánægð með að hafa boðið Jeremy Corbyn í fyrirlestrarferð til Íslands. Jeremy Corbyn er sérstakur vinur hryðjuverkasamtakanna Hamas og var rekinn úr breska Verkamannaflokknum fyrir kynþáttahatur (gagnvart Gyðingum) þó hann hefði áður verið formaður flokksins,“ skrifar Jón.
Og hann heldur áfram: „Væri ekki rétt fyrir vinstri elítuna að biðjast afsökunar á að hafa boðið sérstökum vini hryðjuverkamannanna í Hamas í heimsókn til Íslands. Hamas hefur á stefnuskrá sinni að drepa alla Gyðinga hvort sem þeir eru í Ísrael en annarsstaðar.“
