Gunnar Smári Egilsson, forsprakki Sósíalistaflokks Íslands, segir á fésbók í kvöld að skýrsluhöfundar Hvítbókar ríkisstjórnarinnar um framtíð fjármálakerfisins, sé allt „einvala nýfrjálshyggjulið alið upp ýmist innan Sjálfstæðisflokksins eða fjármálaspilavítisins,“ eins og hann orðar það.
Hann segir að þetta nýfrjálshyggjulið hafi skrifað mest upp óskalista auðvaldsins í þessa hvítu bók, um skattalækkanir, einkavæðingu, minni eiginfjárkröfur banka, viðhald verðtryggingar, að lífeyrissparnaði verði vísað inn í einkafyrirtæki o.s.frv.; en hafi þó haft fyrir því að spyrja almenning um álit hans á fjármálakerfinu.
„Og hvað gerðu þau við svör almennings? Ekkert, héldu bara áfram að skrifa óskalista auðvaldsins. En, jú, reyndar, höfðu þeir fyrir því að búa til svona mynd úr svörum almennings.
Þessi mynd er ykkur til háðungar frá höfundum hvítbókarinnar.
Hún segir: Við heyrum hvað þið segið, en okkur er hjartanlega sama.
Við eigum Ísland, ekki þið. Fokkið ykkur, þið helvítis fokking fokkarar,“ segir Gunnar Smári.
